Пасля рэарганізацыі двух каледжаў матэрыяльна-тэхнічная база рэсурснага цэнтра складае вучэбна-вытворчае абсталяванне, інструменты, вучэбна-наглядныя дапаможнікі, камп'ютары, камп'ютарныя сеткі, аўдыёвізуальныя сродкі, якія знаходзяцца на ўзроўні патрабаванняў, вызначаных адпаведнымі нарматывамі.
Цяпер рэсурсны цэнтр установы адукацыі Гарадоцкі дзяржаўны аграрна-тэхнічны каледж канцэнтруе і забяспечвае доступ да дэфіцытных і дарагіх рэсурсаў навучэнцаў некалькіх устаноў адукацыі, незалежна ад іх падпарадкаванасці і формы ўласнасці.
      Рэсурсны цэнтр выступае як структурнае падраздзяленне ўстановы адукацыі, у якой створаны ўмовы для якаснага асваення навучэнцамі ўстаноў адукацыі навучальных праграм вытворчага навучання, практыкі, набыцця практычных навыкаў работы на сучасным абсталяванні пры асваенні імі адукацыйных праграм прафесійна-тэхнічнай, сярэдняй спецыяльнай, дадатковай адукацыі дарослых для сацыяльна. неабароненых пластоў насельніцтва Гарадоцкага і Віцебскага раёна.
Рэсурсны цэнтр ажыццяўляе адукацыйную дзейнасць па правядзенні вытворчага навучання, арганізацыі вучэбнай практыкі, лабараторных, лабараторна-практычных і практычных заняткаў навучэнцаў па вучэбнай праграме "Дыягнаставанне трактароў":
на ўзроўні сярэдняй спецыяльнай адукацыі:
-назва профіля: «Сельская і лясная гаспадарка. Садова-паркавае будаўніцтва», спецыяльнасць: 2-74 06 01 «Тэхнічнае забеспячэнне працэсаў сельскагаспадарчай вытворчасці (па накірунках)», кваліфікацыя: «Тэхнік-механік»;
на ўзроўні прафесійна-тэхнічнай адукацыі:
-назва профіля: «Сельская і лясная гаспадарка.

Садова-паркавае будаўніцтва», спецыяльнасць: 3-74 06 51 Тэхнічнае забеспячэнне сельскагаспадарчых работ, кваліфікацыя: 3-74 06 51-52 «Трактарыст-машыніст сельскагаспадарчай вытворчасці».
Асноўнымі задачамі рэсурснага цэнтра вытворчага навучання з'яўляюцца:
- ажыццяўленне вытворчага навучання з выкарыстаннем найноўшага абсталявання, для адпрацоўкі сучасных тэхналогій;
- стварэнне ўмоў для забеспячэння выканання праграм вытворчага навучання ў асноўным перыядзе;
- замацаванне і паглыбленне ведаў, атрыманых вучнямі ў працэсе тэарэтычнага навучання;
- фарміраванне, замацаванне і ўдасканаленне прафесійных уменняў і навыкаў, неабходных для прысваення кваліфікацыі;
- апрабацыя і ўкараненне ў адукацыйны працэс інавацыйных форм і метадаў вытворчага навучання;
- стварэнне ўмоў для праходжання стажыроўкі педагагічнымі работнікамі ўстаноў, якія забяспечваюць атрыманне прафесійна-тэхнічнай адукацыі;
-стварэнне ўмоў для ідэалагічнага, ідэйна-маральнага выхавання навучэнцаў, фарміравання канкурэнтаздольнасці будучага рабочага.

Якасць рабочай вучэбна-праграмнай дакументацыі адпавядаюць патрабаванням да яе складання. У УПД знаходзяць адлюстраванне найноўшыя дасягненні адпаведных галін навукі, тэхнікі, тэхналогіі, пытанні эканомікі, бяспечных умоў працы і аховы навакольнага асяроддзя, энергазберажэнне. Навучальныя праграмы практык складзены з улікам кваліфікацыйных характарыстык спецыялістаў і ўказаннем вучэбна-праграмнай дакументацыі.
Абсталяванасць навучальных лабараторый, майстэрняў, навучальных кабінетаў дазваляе выконваць практычныя і лабараторныя работы, навучальныя практыкі, прадугледжаныя навучальнымі праграмамі адпаведных дысцыплін.

Каледж, структурным падраздзяленнем якога з'яўляецца рэсурсны цэнтр, забяспечаны неабходнымі жыллёва-бытавымі ўмовамі, арганізацыяй харчавання для навучэнцаў, якія накіроўваюцца ўстановамі адукацыі ў рэсурсны цэнтр для праходжання вытворчага навучання ў адпаведнасці з заканадаўствам РБ і заключанымі дагаворамі.